Aalisariutinut tunngasut tunisallu nalingi
Aalisariutit qassiuneri kommuninut agguarlugit tabelini takuneqarsinnaapput (tabeli 11 aamma 12), tassani angallatit aalisariutit, umiatsiat, qimussit aammalu qamuteralaat, minnerpaamik ataatsimik aalisarsinnaanermut akuersissummik pigisaqartut minnerpaamillu ataasiarlutik 2015-imi pisanik tunisaqarsimasut kisinneqarsimapput. Angallatit aalisariutit angissutsinut, sananeqaatsinut, aalisariaatsinut kommuninullu agguataarsimapput.
Tabeli 12-imi angallatit 2015-imi pisoqaassusaat takutinniarneqarpoq.
Tabeli 13-imi 14-imilu tunisat decilinut aggorlugit, qaleralinnut aalisakkanullu tamanut immikkoortillugit takutinneqarput.
Tabeli 15-imi angallatinut aalisariutit angissuseqatigiit pingasunut, umiatsianut, qimussinut qamuteralannullu tunisat agguagarsiat nalingi, qaleralinnut aalisakkanullu tamanut takutinniarneqarput.